Muqdisho,(insidesomalia.org)- Hubkan oo ahaa Madaafiic ayaa la sheegay inuu ka kooban yahay Qoryaha waaweyn ee loo yaqaan RT5 2-xabo ah, Qoriga Hoobiyaha nooca 120mm oo laba xabo ah, Rasaas fara badan iyo qoryaha darandooriga u dhaca, sida qoriga BKM oo loo yaqaan Dabajeexa.

Waxaa saaka gebi ahaanba isku gadaamay xarun beesha Muddulood u yiilay Hub u badan Madaafiic oo beeshaasi ay isku difaaci jirtay markii ay socdeen dagaalkii loogu magac daray afar biloodlaha ee ay isaga hor yimaadeen Cali Mahdi Maxamed iyo Jan. Caydiidkii geeriyooday Ciidamada Milateriga Soomaaliya, kuwaasi oo uu hoggaaminayay Taliye Kigeenka Xoogga dalka Soomaaliyeed Gacmadulle ninka lagu magacaabo.

Ciidamadda Milateriga Dowladda Federaalka KMG ah ee Soomaaliya ayaa iyagu saaka xiray waddooyinka xarunta uu hubka ku jiray oo ku taala ka soo horjeedka Hotel Panorama ama xarunta Hormuud Telecom Wqooyiga Muqdisho, iyadoo dhaqdhaqaaqa dadkana ay ciidamadaasi aad u ilaalinayeen, inkastoo aanay dadka socotada ah wadada ka xirin.

Ciidamada Dowladda ayaa iyagu hubkaasi markii ay rarayeen waxaa daawanayay dadweyne aad u fara badan, mana jirin wax shaqaaqo ah oo ka dhacay halkaasi, waxayna ciidamada Milateriga Dowladda KMG ahi ula dhaqaaqeen hubkaasi dhinaca xarunta madaxtooyada.